ᐳᔓ ᐅᐅᒪ ᑐᕋᓐᑐ ᑭᑭᓄᐊᒪᑫᐧᐃᓂᒃ ᑲᐊᐱᑕᒪᑫᐧᐊᒡ
ᐅᐅᒪ ᑐᕋᓐᑐ ᑭᑭᓄᐊᒪᑫᐧᐃᓂᒃ ᑲᐊᐱᑕᒪᑫᐧᐊᒡ (TDSB) ᐊᐱᒋ ᐸᑎᓄᐧᐊᒃ ᑲᐸᐸᑲᓂᓯᐧᐊᒡ ᐅᐅᒪ ᑲᑭᑭᓄᐊᒪᑯᓯᐧᐊᒡ. ᑕᓱᐱᐳᓐ ᑕᔥ ᓂᐱᒪᐧᐊᑎᓯᑯᒥᓐ ᒥᓯᐧᐁᑲᒥᒃ ᐁᐱᐅᓐᑐᓭᐧᐊᒡ ᐁᑭᒋᐸᑎᓄᐧᐊᒡ ᑲᐱᐅᔥᑭ ᑭᑭᓄᐊᒪᑯᓯᐧᐊᒡ ᓂᑭᑭᓄᐊᒪᑎᐧᐃᑲᒥᑯᒥᓇᓐ. ᐅᐅᒪ ᐅᔑᐱᐃᑲᓂᒃ ᑲᐅᒋ ᐧᐊᐸᒋᑲᑌᑭᓐ ᒪᒪᑲᑕᐱᑯᒃ ᑲᑭᐃᔑᐊᒋᑲᑌᑭᓐ ᒪᔭ ᑲᐧᐊᐧᐃᓐᑌᑭᓐ ᑫᑯᓇᓐ ᓂᑭᑭᓄᐊᒪᑎᐧᐃᑲᒥᑯᓇᓐ ᐅᒋ, ᑕᐱᔥᑯ ᐊᓐᑎ ᑫᐃᔑᒥᑲᒪᓐ ᐁᔑᑕᐧᑲᑭᓐ ᓂᑭᑭᓄᐊᒪᑎᐧᐃᑲᒥᑯᓇᓐ, ᑫᑐᑕᒪᓐ ᒋᐱᓐᑎᑫᐱᐃᑲᓱᒡ ᐅᔥᑭ ᑭᑭᓄᐊᒪᐧᐊᑲᓐ ᑲᔦ ᑲᓂᑕ ᑲᐧᑫᐧᑌᓇᓂᐧᐊᒃ ᑲᐧᑫᒋᒥᐧᐁᐧᐃᓇᓐ. ᒥᐅᓄ ᐧᐃᓐᑕᒪᑫᐧᐃᓇᓐ ᑲᑭᐊᓂᐧᑲᓄᒋᑲᑌᑭᓐ 22 ᐯᐸᑲᓐ ᐃᔑᑭᐧᔐᐧᐃᓂᒃ.
ᑭᔥᐱᓐ ᓇᓇᑐᓀᐊᒪᓐ ᑫᑯᓐ ᐁᐧᐃᑭᑫᑕᒪᓐ ᐁᒧᒋᐊᑲᓇᔑᒧᒪᑲᒃ ᐅᐅᒪ TDSB ᒪᒪᑲᑕᐱᑯᒃ, ᐱᓴᓐ ᐃᑯ ᑭᑕᐃᔑᒋᑫ ᒋᐃᔑᐧᐃᑐᔭᓐ ᑭᑭᓄᐊᒪᑎᐧᐃᑲᒥᑯᒃ ᐅᔑᐱᐃᑫᐧᐃᑲᒥᑯᒃ ᓂᑕᓄᑭᐊᑲᓂᒥᓇᓐ ᒋᐅᓇᑐᒡ ᒋᐊᓂᐧᑲᓄᑕᒪᑯᔭᓐ ᑫᒪ ᒋᐊᓂᐧᑲᓄᒋᑲᑌᒃ ᐁᑲ ᑲᓂᓯᑕᐧᐃᓇᓯᐧᐊᓐ.
ᑭᔥᐱᓐ ᐁᑭᐱᐅᔥᑭ ᑕᑯᔑᓇᓐ ᑐᕋᓐᑐ ᐅᑌᓇᒃ ᑲᔦ ᑫᔭᐱ ᐊᓐᑕᐁᐧᑕᒪᓐ ᑫᑯᓐ ᒋᔑᐧᐃᑐᑲᑯᔭᓐ, ᐃᓇᐱᓐ ᐃᐃᒪ ᓂᐧᓴᔦᒃ ᑲᑕᐧᑲᑭᓐ ᓂᑭᑭᓄᐊᒪᑎᐧᐃᑲᒥᑯᒥᓇᓐ ᐅᔑᐱᐃᑫᐧᐃᑲᒥᑯᓐ ᑲᐱᐅᔥᑭᑕᑯᔑᓄᐧᐊᒡ ᑫᐱᔑᐱᓐᑎᑫᐧᐊᒡ ᒋᐅᒋ ᐧᐃᒋᐃᐧᑕᐧ. ᒥᐅᒪ ᑫᑭᐅᒋ ᐧᐊᐧᐃᑐᑲᐧᐃᐧᑕ ᑲᑭᐱᐅᔥᑭ ᑕᑯᔑᓄᐧᐊᒡ ᑲᑭᒋᐊᐧᐃᐧᐊᒡ, ᑲᐅᔥᑲᑎᓯᐧᐊᒡ, ᑲᑫᑌᐱᒪᑎᓯᐧᐊᒡ ᑲᔦ ᐃᑭ ᑲᒪᑭᐱᒪᑎᓯᐧᐊᒡ.
ᐊᓄᑭᐊᑲᓇᒃ ᐅᐅᒪ ᑲᐊᓄᑭᐧᐊᒡ ᐅᔑᐱᐃᑫᐧᐃᑲᒥᑯᓐ ᑲᐱᐅᔥᑭᑕᑯᔑᓄᐧᐊᒡ ᑫᐱᔑᐱᓐᑎᑫᐧᐊᒡ ᒋᐅᒋ ᐧᐃᒋᐃᐧᑕ ᑕᑭᐃᔑᐧᐃᒋᐊᑲᓂᐧᐃᐧᐊᒃ ᑲᐱᐅᔥᑭᑕᑯᔑᓄᐧᐊᒡ ᐸᑲᓐ ᐊᑭᒃ ᑲᑭᐱᐅᒋᐧᐊᒡ ᐅᑭᑭᓄᐊᒪᑯᐧᐃᓂᐧᐊ, ᓇᓇᑕᐧᐃ ᐧᐊᑲᐃᑲᓀᑕᒪᑫᐧᐃᓐ, ᐊᓂᐧᑲᓄᑕᒪᑫᐧᐃ ᐧᐃᑐᑲᑫᐧᐃᓐ, ᐊᓐᑎ ᑫᐃᔑᓇᓇᑐᓇᒃ ᑭᑭᓄᐊᒪᑯᐧᐃᓐ, ᐊᓄᑭᐧᐃᓇᓐ ᑲᐃᔑᐅᔑᐱᐃᑲᑌᑭᓐ, ᑲᓇᓇᑕᐧᐊᓄᑭᐧᐊᒡ ᐧᐃᑐᑲᑫᐧᐃᓐ, ᐊᓱᔥᑲᒪᑫᐧᐃᓐ, ᐧᐃᓐᑕᒪᑫᐧᐃᓐ ᑎᐸᑯᓂᑫᐧᐃ ᐧᐃᑐᑲᑫᐧᐃᓐ, ᐊᓄᑭᑕᒪᑫᐧᐃᓇᓐ, ᑫᐃᔑᐱᒥᑌᐱᓭᒡ ᐅᔓᓂᔭᒪᓐ ᑭᑭᓄᐊᒪᑫᐧᐃᓐ, ᑲᐊᐧᐃᐊᓱᒡ ᐧᐊᑲᐃᑲᓂ ᑲᔦ ᑲᑲᐯᔑᒡ ᐊᐧᐃᐊᓱ ᐧᐊᑲᐃᑲᓂᒃ ᐁᔑᑲᓇᐧᐊᐸᒋᑲᓱᐧᐊᒡ ᐅᓇᑯᓂᑫᐧᐃᓂᒃ, ᐊᓄᑭᐊᑲᓇᒃ ᐅᒪᔥᑲᐧᐃᓯᐧᐃᓐ, ᐊᓄᑭᐧᐃ ᑭᑭᓄᐊᒪᑫᐧᐃᓇᓐ, ᐊᓂᐧᑲᓄᑕᒪᑫᐧᐃᓇᓐ ᑲᔦ ᐊᓂᐧᑲᓄᒋᑫᐱᐃᑫᑕᒪᑫᐧᐃᓇᓐ.
ᓂᑕᔭᒥᓐ ᐅᐅᒪ ᐁᐧᐊᐧᐃᑐᑲᑫᔭᒃ! ᑫᔭᐱ ᐧᐃᓇᓇᑕᐧᐃᑭᑫᑕᒪᓐ ᐊᓱᓇᒪᑫᐧᐃᓇᓐ ᑲᔦ ᐧᐃᑐᑲᑫᐧᐃᓇᓐ ᑲᒥᓂᐧᑕ ᑲᐱᐅᔥᑭᑕᑯᔑᓄᐧᐊᒡ ᐅᐅᒪ TDSB ᑲᔦ ᑐᕋᓐᑐ ᐅᑌᓇᒃ.
ᓂᓐᑲᐱᒥ ᐊᔭᑲᐧᐃ ᓇᓇᑲᒋᑐᒥᓐ ᐅᐅᒪ ᒪᒪᑲᑕᐱᑯᒃ ᑲᐃᔑ ᐅᔑᐱᐃᑲᑌᑭᓐ ᒋᐊᓂᐊᒋᑲᑌᑭᓐ ᐅᔥᑭ ᐧᐃᓐᑕᒪᑫᐧᐃᓇᓐ, ᒥᓇᐧᐊ ᑕᔥ ᐊᐱ ᐱᔕᑲᓐ.